گر ‏چاہے تو ‏اپنا ‏بھلا ‏محفل ‏سجا ‏سرکار کی

*گر چاہے تو اپنا بھلا محفل سجا سرکار کی*

*بھر جائے گا دامن تیرا محفل سجا سرکار کی*

*ذکر نبی ذکر خدا ہوگا کبھی یہ نا جدا*

*چاہے جو تو رب کی رضا محفل سجا سرکار کی*

*سب مشکلیں کافور ہو ساری بلائیں دور ہو*

*پرنور ہو سینہ تیرا محفل سجا سرکار کی*

*محبوب رب نور خدا صد مرحبا صلی علی*

 *جن کے لیے سب کچھ بنا محفل سجا سرکار کی*

*ہوگا کرم لجپال کا دیدار دیں گے مصطفی* 

*آجائیں گے خیر الوری محفل سجا سرکار کی*

*آئے گا وہ دن بھی ضرور تجھ کو بلا لیں گے حضور*

*سن لیں گی وہ ہر التجا محفل سجا سرکار کی*

*مشکل کشا سے یہ کہا مشکل میری حل کیجئے*

*مولا علی نے یہ کہا محفل سجا سرکار کی*

*ہو جائے گا جامی کرم چومے گا پھر باب حرم* 

*سرکار کی ہوگی عطا محفل سجا سرکار کی*