Bayaan Ho Kis Zubaan Se Martaba Siddique-E-Akbar Ka
Hai Yaare Gaar Mehboobe Khuda Siddique-E-Akbar Ka
Ilaahi Rahem Farma Khaadim e Siddique-E-Akbar Hoon
Teri Rehmat Ke Sadqe Waasta Siddique-E-Akbar Ka
Rasul Aur Ambiya Ke Baad Jo Afzal Ho Aalam Se
Ye Aalam Mein Hai Kis Ka Martaba Siddique-E-Akbar Ka
Gadaa Siddique e Akbar Ka Khuda Se Fazl Paata Hai
Khuda Ke Fazl Se Main Hoon Gadaa Siddique-E-Akbar Ka
Huwe Farooq O Usman O Ali, Jab Daakhile Bai'at
Bana Fakhre Salaasil Silsila Siddique-E-Akbar Ka
Maqaame Khwaabe Raahat Chain Se Aaraam Karne Ko
Bana Pehlu E Mehboob E Khuda Siddique-E-Akbar Ka
Ali hain us ke dushman aur woh dushman Ali ka
Jo dushman aql ka dushman huwa Siddique-e- Akbar ka
Lutaaya raahe haq mein ghar kayi baar is muhabbat se
Ke lut, lut, kar HASAN ghar bhar gaya, Siddique-e- Akbar ka.
No comments:
Post a Comment